Удмуртлык vs. Удмуртлык, яке "Трос кыло улосын удмурт кылэз дышетон"

10 тулыспалэ 2010-тӥ арын Ижкарысь Удмурт кун Кузебай Герд нимо йӧскалык гимназиын ортчиз «Трос кыло улосын анай кылэз дышетон (Изучение родного языка в полиязычном пространстве)» 2-тӥ Калыккуспо конференция,  кудӥз радъямын вал Удмурт Элькунысь дышетон удысын ужасьёссэс тодон-валанъёссэс будэтонъя но паськытатонъя институтэн. Конференция котьку сямен усьтиськиз пелнарной заседаниен. Нуназеян бере усьтэмын вал пӧртэм ёзэтъёс. Мыным кылдӥз 6-тӥ ёзэтын мастер класс ортчытыны (темаез — Интернет как ресурс в формировании этноязыковой среды в условиях города). Но кызьы луэ асьме Россия кунын, техника луонлыкъёс кылдытэмын ӧй вал. Пуктӥллям проектор экранэн, ноутбук. Нош интернет — ӧвӧл. Ку валалом, азьлане вамыш лэсьтон понна нырысь ик ваньзэ малпан-чотан кулэ шуыса? Кызьы гуртысь дышетӥсьёслы ӟеч тодон-валан сётомы, асьмеос но ке йоназ ум на валаське Интернетлэсь сыӵе зол кулэлыксэ? Мастер-класс пӧрмиз куинь минутъем докладлы, кудаз чиньыос вылын верамын вал социальной вотэсъёс, интернет реклама но PR, блоггинг, микроблоггинг, но кыл берктон интернет-сервисъёс сярысь. Озьы ке но, мон малпамъя, та доклад вал тросэзлы выль информация. Ӝутӥськиз берыктонлэн авторствоез сярысь: кинлэн луоз ӵошен берыктэм текст, кин луоз солэн авторез. Валэктонтэк юан… Паймемын вал Альберт Разин, кудӥз ке доклад бере гинэ тодӥз,  «Удмуртлык» клубезлэн сыӵе ик нимын Виртуальной конкурентэз вань шуыса — Виртуальный клуб «Удмуртлык», кудӥзлы тырмоз ини ӝоген 3 ар. Серем.. Кыӵе паськыт нюк туала удмурт активистъёс но аресо активистъёс вискын.

Конференция йылпумъяськиз чебер концертэн.  «Чебеляй» ансамльлэсь удмурт, пор, венгер, ӟуч эктонъёссэс учкыса, сюлэм ик бурдъяськиз. Устолыксэ возьматӥз «Сайкан» ансамбль. Тауансабльёслэн кивалтӥсьёссылы. Тау Герд нимо гимназилы. Ветлэмелы ӧй жаля. Кельшиз.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.