QIP 2005 ICQ клиентэз удмурт кылэ берыктон кык толэзь палан кыстиське ни, оло нош кемагес но. Али дыре текстъёс удмурт кылэ 74 % -лы берыктэмын. Озьы ке но, мон берыктэмлэсь пумзэ возьмаса ой кылльы, QIP-лэсь удмурт кылъёсын файлзэ донги QIP-лэн системае пуктэм папкаяз. Со понна мар кароно луиз:1. Translated.by сайтысь берыктэмез кыски *.txt форматэн но гожти аслам компьютерам.  Со файллы lang.ini ним сёти.
2. Аслам компьютерам C:\Program Files\QIP\LI папкае кылдыти Udmurt папка но со пушкы C:\Program Files\QIP\LI\Russian папкаысь файлъеслэсь копиоссэ донги. lang.ini файлзэ чуши, со интые удмурт кылэ берыктэм (Translated.by сайтысь кыскем) lang.ini файлэз донги.
3. C:\Program Files\QIP\LI\langs.cfg файлэ english но russian борсьы пумаз будэти udmurt кыл. Та кулэ QIP удмурт кылэз мед адзоз шуыса.
4. C:\Program Files\QIP\LI\current.cfg файлэ russian интые udmurt гожти.
Та борсьы жуати QIP-ез C:\Program Files\QIP\qip.exe файлэз лэзьыса. Умоез ивор — удмурт кыл QIP-ам потиз. Аламаез ивор — QIP 2005 уг ужа UTF-8 кодировкаен. Соин ик яратоно африкатаосмы интые возьматиськизы юан пусъёс. Жаль но, капчи мылкыдме со чик оз соры.
Жоген QIP 2005 быдэсак удмурт кылэ берыктэмын луоз, тупатэмын луозы янгышъес, кудиз вань али берыктэмлэн бета-версияз. Тунсыкъяськисьеслы удмрт QIP усьтэмын луоз, котькуд мылкыд карисез быгатоз сое аслыз пуктын.