Шуд

pydЕжгес дыръям ик вал сыӵе лемлет малпанэ: бертӥсько уж дорысь, монэ шумпотыса пумита яратоно кузпалы но нылпиосы жиетыса пыд бордам бинисько. Берлогес та малпан мукетгес луиз: мон нокытысь уг бертӥськы — ужасько дорын. Кузпалы но нылпиосы котьку возам.

Льӧль малпанъёсы быдэсмизы.

2,5 арзэ ни зэмзэ но ужасько дорын — вырисько яратоно уженым. Матысь адямиосы котьку возам. Нуналлы бэдэ 1-2 часме сюрес вылэ уг быдтӥськы. Кӧлӥсько, коня потэ. Шоро-куспо уждунлэсь трос поллы тросгес коньдон поттӥсько. Ачим бырйисько, кинэн мон ужало, но кинэн герӟаськеме уг поты. Уж сётисьлы пыдаз уг йыбыртъяськы. Интернет амалэн быдэс дуннен кусып возьын луэ. Скайпен вераськиськод москвичъёсын, нош минут ортчыса тыныд жингырто Сургутысь, Новосибирскысь, Владивостокысь яке воксё но кунгож сьӧрысь адямиос. Коньдонлы но кассаын яке бухгалтериын очередьын сылоно овол — ваньзэ радъяськод озьы, кызьы тыныд кулэ. Коньдон басьтӥськод виртуальной амалэн музъемлэн котькыче сэргысьтыз дорысьтыд потатэк.

Шуд-а? Шуд.

Веран кулэ дыр, ужасько огнам. Овол кыче ке формализованной фирмае, компание. Уг яраьтӥськы кинэ ке кужмысь карыса ужатын. Эшшо ке кинэ ке дышетод вань кужымдэ поныса, нош со быжзэ урдыса тон дорысь ачиз вылэ ужан пегӟоз 🙂 Соку луоз туж ӝож. Соин ик ужасько ачим кадь ик фрилансеръёсын, кудъёсызыныз кусыпъёсы партнёр-партнёр. Ужатӥсь (работодатель) — быдэстӥсь (работник) кусыпъёс мон понна толыктэмесьгес пото, яке пичи эффективностен.

Таӵе структураез, мукетъёссэ сямен ик уг луы шуын идеальной. Вань зечез но, аламаез но.

  • мар зечез
    Эрик но лоскытлык (гибкость пе со, кыллюкамысь шедьтӥ). Трос малпаськоно овол налогъёс но мукет формальной отчётъёс сярысь. Ужасьёслы уждун тыроно овол. Ужаськод, ку потэ но кытын потэ.
  • мар аламаез
    Жадён, акыльтон. Трос дыр ӵоже трос проектъёсын ужаськод ке, огдыре вузаськись, аккаунт-менеджер, проект-менеджер, лыдъясь-чотась, рекламщик но программист луыса, периодически люкаське жадён но акыльтон. Соку туж ӟеч кулэ ялкарын: коня ке нунал чоже кино-сериал учконо, яке зарезь доры шонтоно. Но соку но воксё ужъёслэсь куштӥськын уг луы. Тон огнад — кемалы ышид ке, «сюдись-вордисьёсыд» но ышозы, коньдонзэс но уд ни адзы. Вань на эшшо сыӵе валан — ответственность. Вот, мон гиперответственной адями, дыр.

p.s.

Мон 4 ар ой гожъя блогам удмурт сямен — трос ужай аслэсьтым ӧнер быгатонъёсме будэтон но коньдон поттон бордын. Адями туж жог глобализаци ӧре сюре вылэм. Кышкан кутски, гожъяськыса кылме ке ой воляты, оло нош воксё удмурт кылме вунэто шуыса. Тини бадзымез нылы но зуч сямен вераське ни, ассэ удмурт ке но шуэ. Я бен, дышоз дыр ай.


Шуд: 3 комментария

  1. Здравствуйте
    Как вам?
    Летом мы должны были стащить третий сезон, а немедленно за ним и четвертый. Они игроки одной из добрейших команд среди институтов и перед всяким сверхгероем открываются новоиспеченные возможности, высочайшую стипендию и освобождение от дел, чем сверхгерои не забывают воспользоваться и устраивают после игр удивительные вечеринки. Сериал говорит о трех первокурсницах, приткнувшихся в институт, какой уделяет здоровое внимание штатовскому футболу.

  2. Здравствуйте
    Как вам?
    Это многое значит как для меня, так и для прочих сценаристов, артистов и целых кто работал над сериалом. Мы любим мастерить шоу, и это приятно чувствовать от тех, кто уважает их осматривать. Канал в курсе, насколько небезразличных воздыхателей у сериала, вот отчего, к раскаянию, я не подозреваю, что разномастного рода петиции или билборды что-то переменят.

Добавить комментарий

Ваш e-mail не будет опубликован. Обязательные поля помечены *