Архив рубрики: Удмурт кылын

Удмурт кылын гожъямъёс

SMS-флаер удмурт сямен, яке кызьы Авиаторе пырыны ӝыны дунын

Опубликовано автором
Ответить
Куке Юмшан котькытын ыстылыны кутскиз sms-флаер сярысь иворез, Удмурт йӧскалык sms-иворъёсты ыстон-вӧлмытонъя сервислэн книгаяз шуак будыны кутскиз гожтӥськисьёслэн лыдзы. Кык нунал куспын удмурт иворъёслы гожтӥськисьёслэн лыдзы будӥз кык пол! Табере ми 96 кузя! Ма гожтӥськисьёс но соосыз уд шуы, валамон ни, тросэзлэн дунтэмен гинэ Авиатор клубе удмурт позыръяськонэ шедемзы потӥз. Озьыен, удмурт егитъёс уг тунсыкъясько ай, кӧня гектар ю-ысь басьтэмын Шаркан яке Алнаш ёросын, яке кытын но ку кырӟалоз Ганьков. Соослы кулэ удмурт позыръяськон но кызьы дунтэменгес отчы шедёно!  Вуоно удмурт позыръяськонэ ӝыны дунын сюремды потэ ке, гажано эшъёс, sms-флаеръёс ужалозы на. Кин ӧз на гожтӥськы удмурт иворъёслы, гожтӥське али ик! Келялэ sms 16739 текстэн +7 916 305 02 05 номере. Адӟиськом 12 шуркынмонэ Авиатор клубын Ctrl+Alt+Del Party «УдмуртЛык. Перезагрузка» позыръяськонын!

Огнунал куспын сайтъесты утчанъя оптимизация курс, яке кызьы KAZAKofSKY дышетӥз дышетӥсьёсты.

Опубликовано автором
Ответить
Та нуналэ (29 коньывуонэ) уж доры ӝыны часлы вазьгес вуоно луиз. Толоназ кыдёкы уйшор берозь пуки ке но, котьку сямен ик ваньзэ ужме быдэстыса ӧй вутты: кылиз ӵукналы. Принтер пыр поттӥ курсэз кылзӥсьёслы раздаткаос но ужан тетрадь. Нунал бырытозь валай, раздаткаые будэтыны кулэ на вылэм интернетысь адресъёс, кытын утчаськон оптимизация (SEO, вакчияк вераса, search engine optimization, англ. — оптимизация под поисковые системы) котьку но умой юрттэт сётозы. Ойдо, ӵок ни а мара соиз..

Уйин, та секыт нунал азьын, изьытэк потӥ — сюлмаськи вылды. Сюлэмме шуг каре на вал интерактивной доскаен ноку но ужамтэе. Но нокыӵе кышкытэз вылымтэ, мон соин вырын 1 минут куспын дыши. Ку ке вань дышетскисьёс (тросэз кудъёсыз пӧысь вал информатикаен дышетӥсьёс, но вал на психолог но) люкаськизы, мон верай соослы нимтулме. Соку ик сюлмам паника каръяськиз: «Мар мон каром таосын быдэс нунал??? Тырмоз-а материалэ но тодон-валанъёсы???» Но соку ик ӝот-ӝот чурыт кариськи но кутски лыдӟын лекцияме . Читать далее →

Удмурт йӧскалык SMS-ыстон-вӧлмытон

Опубликовано автором
1

Ваньзэ тодэмды потэ?!

Гожтӥське Удмурт йoскалык SMS-ыстон-вӧлмытонлы!
Ваньзэ тодыны туж капчи!

Кызьы гожтӥськоно Удмурт йoскалык SMS-ыстон-вӧлмытонлы? Номыр шугез ӧвӧл!
Со понна келяно 16739 текстэн SMS +7 916 305 02 05 номере.

Ваньзэ шонер лэстӥды ке, тӥледлы вуоз со сярысь SMS-ивортон. Со дырысен тӥ воксё дунтэк басьтылоды Удмурт йӧскалык иворъёсты пырак телефонады!

Ваньзэ тодэлэ!
Удмурт йӧскалык SMS-ыстон-вӧлмытон!

Мынам удмурт блогелы виджет

Опубликовано автором
Ответить

Матысь дыре валэкто, кызьы котькудӥз тӥ пӧлысь аслыз лэсьтын быгатоз таӵе виджет:

+ Роман Романов. KAZAKofSKY. Удмурт блог


Блог Романа Романова. KAZAKofSKY. SEO, Удмурт интернет, политика
добавить на Яндекс А еще Вы спросите, чем хороши виджеты? Отвечу. Виджеты — отличный способ SMM и SMO продвижения, а эти разновидности взаимодополняют друг друга с региональным SEO-продвижением. Успехов в реализации Яндекс-виджетов на свой блог.

Удмуртлык Иворъёс e-mail ыстон-вӧлмытон

Опубликовано автором
Ответить

Шумпотыса ивортӥсько Удмуртлык Иворъёс e-mail ыстон-вӧлмытонлэн усьтӥськемез сярысь. Та ыстон-вӧлмытонэ гожтӥськыса, тӥляд кылдэ луонлыкты вань Удмуртлыкысь вань выль иворъёсты e-mail ящикады басьтыны но, асьтэос выль ивор ке тодӥды udmurtlyk@googlegroups.com ящике гинэ келяса, вань пыриськисьёсыз ивортын быгатоды! Гожтӥське, пыриське, тодэлэ выль иворъёсты но сётэлэ асьтэос выль ялонъёс. Удмуртлык иворъёсы гожтӥськын быгатоды udmurtlyk+subscribe@googlegroups.com почтае буш гожтэт келяса, яке ыстон-вӧлмытонэн сайтаз пыраса http://groups.google.ru/group/udmurtlyk , яке улӥысь формае почтадэс гожтыса:

Группы Google
Гожтӥськелэ Удмуртлык-иворъёслы!
Электрон почта:
Пыриськыны та группае

 

Translated.by — Удмурт кылыклы, яке берыктӥськом Опера браузерез удмурт кылэ

Опубликовано автором
Ответить


Дуннеысь кылберыктӥсьёслы тодмо www.translated.by сервисын Алексей Шкляевлэн тыршемезъя кылдӥз луонлык котькыӵе текстэз удмурт кылэ берыктын,. Потэ а тӥляд яратоно кырӟанъёстэс, программаостэс яке котькыӵе мукет текстэз удмурт кылэ берыктэмды, вазиськыны быгатӥськоды та сервисэ. Ортчоно луоз регистрация. Берыктоно текстэз будэтэмды бере ивортоно луоз со сярысь эшъёстылы, собере ваньды ӵошен басьтӥськын быгатоды берыктон борды. Али кутскиськом Опера браузерез удмурт кылэ берыктон борды.

Укылтэм хакеръёс яке кызьы мон тупати тиям сайтме

Опубликовано автором
Ответить

Озьы луэ ни дунне вылын — куректон одигназ уг лыкты. Трос портэм ужпумъёс борды лякиськиз чик возьмамтэез но — кыче ке хакеръёс тияллям сайтэз, кудзэ ке мон туж сюлэмме поныса лэсьти вал. Нырысь почтаям вуиз гожтэт — мон, пе, парольме воштын запрос лэсьти, кудзи ке чик но ой вал. Умойтэмзэ шодыса сайтэме учконо кариськи — нош отын укылтэм хакеръёслэн сайтэз тиямзы сярысь трос одиг кадь чуръёс. Ужан нунал пумаз вуэ вал ни, соин ик мон перъяськыса берти доре, нош сюлэм чик интыяз сылын уг вала — ма кызьы озьы, сомында кужым но дыр быдтэмын вал со сайтэз лэсьтыны но табере со чиптэм-чаптэм ышоз? Мугоры ик кысмыляк луиз — мар мон шуом заказчиклы?? Доре вуэм берам буйгастки, учкыли форумъёсын кызьы валэктиллям юанъёсме — ма кароно сайтэз улзытон понна. Жогак быдэсти, ваньзэ эскери. Сайтлэн администраторезлэсь нимзэ берен аслым киулти SQL-запросэн, нош сайтэз улзыти сайтлэн дизайнысьтыз index.php файлэз воштыса. Joomla движоклы берпумети кышъетъёс пукти, лушкемкылъёсты ваньзэ вошъяй. Табере малпасько сайтме укылтэмъёс исаны уз быгатэ.. Тау инмарлы, быгатисько вал сайтме весяклы ыштыны…

 

1024, Огырӟи-Глазкар яке бигер-ӟуч сюан

Опубликовано автором
Ответить
Кылдоз вылэм та югыт дуннеын сюанын адӟись но луын. Мар шуонэз, сузэр-апайёсылэн сюаназы котьку вожъяськыса учкыли учкисьёс шоры — кыӵе соос чебересь но йоноесь, пуко сюанысь нырысетӥ егитъёс вӧзын — выль кен но эмеспиен артэ. Шумоптӥсько табере, мыным но сыӵе сӥ но дан усиз шуыса. Табере мон шоры озьы учкизы, дыр: кыӵе удалтэм та пияшлы, сыӵе интые сое бырйиллям ке, трос мукетъёсыз пӧлысь. Тазьы малпаськыса гинэ валаськод, кыӵе бадӟым отвестсвенность басьто адӟисьёс сюанын, соин ик соос сюанын кыкетӥ адямиос, соин ик соосыз, одно ик соосыз бырйизы эшъёссы, выль кен но эмеспи, асьсэлы адӟисе… Читать далее →

Улӟон яке "Берытскиз.."

Опубликовано автором
1

Луэ на берыктын матысь адямиез, кудзэ тӥ малпанъёсады сюе согын тыршиськоды вал? Адямиез, кудӥзлэсь матысез нокин но ӧй вал, кудиныз зыгырскыса быдэс нунал но уй кылльыны луэ. Кудиныз Skype пыр олоконя час чоже вераськын луэ .. Кудӥзлэн потӥз номыре валэктытэк англи сямен кошкемез. «Луэ», — шуисько мон. Ӧз чида люкиськонэз, берытскиз.. Нош малы кулэ вал сыӵе вӧсь карыны аслыз но, мыным но?

Уломы кырӟаса яке тӥяськем струна

Опубликовано автором
Ответить
Кык толэзь азьло яратоно гитараелэн нырысетӥ струнаез чигыны шедьтӥз.. Уг вера ни кызьы со вал, кин тӥяз но малы — соиз воксё но мултэс. Со умойтэм нуналысен, гитарае шкафын аслаз чехолэз пушкын ужтэк кыллиз, оло нош воксё вунэтысал ни со сярысь но дырын-дырын сюлэмлэн кырзамез потэ. Соку берпум дыръёсы потталляй гитараме но вить струнаосын кыче ке но аккордъёс но поттылын курадӟи, кырӟалляй, мар но со пӧрмылӥз ик но туж умойтэм, ӧлексы кадь. Читать далее →